Framføringa av Hei Hauge trollbatt eit stort publikum medan det mørkna i Kvemmadokkje torsdag.
Kanskje kjempa somme med å halda kulden frå kne og kjakar. Men i det lengste heldt framføringa av Hauge-dikt og nyskriven musikk slike tankar på avstand. Juni Dahr, Tore Brunborg og Thomas Strønen innfridde forventningane om ei ny oppleving av Olav H. Hauge sine dikt. Tingingsverket var ein del av opningsmarkeringa som dette året var lagt til husmannsplassen Kvemmadokkje på Børsheim. Publikum møtte mannsterkt fram, godt kledd for ein hustrig haustkveld. Regn vart dei sparde for.
